Leġjun ta’ Marija
Malta
Dwar il-Leġjun ta’ Marija
Il-Leġjun ta’ Marija hija l-akbar organizzazzjoni appostolika ta’ lajċi fil-Knisja Kattolika. Din twaqqfet f'Dublin, l-Irlanda, fl-1921, minn Frank Duff. Fergħat tal-Leġjun jistgħu jinstabu fi kważi 200 pajjiż, b'aktar minn 10 miljun membru voluntier. Il-Leġjun ta’ Marija huwa mifrux madwar Malta u Għawdex. It-Tessera tirrappreżenta l-ispirtu u l-iskop tal-Leġjun, filwaqt li l- istandard tal-Leġjun huwa l-Vexillum Legionis, mżejjen bil-ħamiema li tirrappreżenta l-Ispirtu s-Santu.
Il-President ta' Malta, Myriam Spiteri Debono, dwar il-Legion of Mary:
"Missieri kien żmien twil, jalternaw hu u ħabib tiegħu, bħala President tal-Legion of Mary. Jien, ngħidha fl-appert, naħseb li għalija, il-mod ta' kif tmexxi kumitat, kif iżżomm il-minuti waqt laqgħa, eċċ, ġiet minn meta kont fil-fergħa taż-żgħar, tal-Legion. Din baqgħet isservini għomri kollu."
Intervista fil-Leħen, 26 ta' Mejju 2024.
B’ringrazzjament u gratitudni
Nixtiequ nirringrazzjaw lill-Kunsill Malti għas-Settur tal-Volontarjat għall-għotja ta’ €5,000 mis-Small Initiatives Support Scheme 2024, li l-Leġjun ta’ Marija uża biex jimmodernizza l-websajt tiegħu.
Nixtiequ nirringrazzjaw lill-Iskema ta' NGOs tal-Ministeru għal Għawdex u l-Ippjanar għall-għotja ta' 5,000 ewro mill-programm ta' finanzjament għall-Organizzazzjonijiet Volontarji fil-Gżira Għawdxija li l-Leġjun ta' Marija qed juża biex jaġġorna l-faċilitajiet ta' tagħlim tal-membri tiegħu f'Għawdex.
Din l-inizjattiva hija sostnuta permezz tal-“NGO Scheme”, skema ta’ finanzjament mill-Ministeru għal Għawdex u l-Ippjanar għall-organizzazzjonijiet volontarji f’Għawdex.
'Taħrig Għall-Kuntatti Aħjar'
Nixtiequ nirringrazzjaw lill-Kunsill Malti għas-Settur tal-Volontarjat għal għotja ta’ €4,600 mis-Small Initiatives Support Scheme 2025. L-għotja qed tintuża għal proġett imsejjaħ ‘Taħrig Għall-Kuntatti Aħjar’, immexxi minn Carmel Bajada. Ir-ritratt juri l-preżentazzjoni tal-Ittra tal-Konferma.
Żewġ Għotjiet Oħra mill-Aġenzija Żagħżagħ
Il-Fergħat taż-Żgħażagħ tal-Leġjun ta' Marija ta' Malta u l-Leġjun ta' Marija t'Għawdex, għat-tieni sena konsekuttiva ingħataw fondi ta' €3,000 il-wieħed mill-Aġenzija Żagħżagħ. Dan biex jinxtara apparat li jkun utli għall-membri żgħar tagħna fil-ħidma tagħhom tal-appostolat.
Grazzi għal darb' oħra lill-Aġenzija Żagħżagħ.
Għotja għal tiswijiet tal-bini
Nixtiequ nirringrazzjaw lill-Kunsill Malti għas-Settur Volontarju għal għotja ta’ € 11,680 taħt l-Iskema ta’ Appoġġ lill-Komunità, li se tintuża għat-tiswijiet tal-gallariji u l-aperturi tal-bini tal-Leġjun fil-Belt Valletta.
_edited.jpg){kind=small}
Training Initiative Scheme
Il-Leġjun ta’ Marija jixtieq jirringrazzja lill-MCVS u l-Ministeru tal-Inklużjoni u Volontarjat għall-għotja biex uffiċċjal tar-Regia ser ikun jista’ jipparteċipa f’taħriġ organizzat minn NAPPI UK dwar ‘Promoting Positive Behaviour’. Dan it-taħriġ jati għarfien u ħiliet prattiċi biex tifhem, tivvaluta, u tappoġġja l-imġiba b’mod pożittiv u proattiv. Din tiffoka fuq l-imġiba bħala mezz ta’ komunikazzjoni, u tippermetti lill-impjegati jimplimentaw strateġiji effettivi ta’ Appoġġ għal Imġiba Pożittiva (PBS) f’ambjenti tax-xogħol reali.
