NIKKONFRONTAW IL-ĦAŻEN: L- ASSEMBLEA TAL-LEĠJUN TA’ MARIJA

"Għax it-taqbida tagħna mhix kontra d-demm u l-laħam, iżda kontra l-qawwiet ta’ din id-dinja tad-dlam u kontra l-ispirti tal-ħażen fis-smewwiet" (Efesin 6:12) .

Dr Miriam Sciberras, Chairperson tal-Life Network Foundation, Malta fetħet l-Assemblea Nazzjonali tal-Leġjun ta' Marija. Hi kienet il-kelliema ewlenija mistiedna. L-Assemblea saret fuq din it-tema nhar il-Ġimgħa l- 1 ta' Mejju 2026 fis-Sala tal- Iskola Immakulata Kunċizzjoni, Ħal-Tarxien. Din il-kelliema ħeġġet li ‘l fuq mill-200 leġjunarju li kienu preżenti li nridu ngħixu LLUM fil-milja kollha tiegħu u li ngħixu b’kuraġġ fil-konfront tal-ħażen.

Fid-diskussjoni sussegwenti li saret bejn il-membri preżenti u ‘panel’ ta’ leġjunarji, id-Direttur Spiritwali tar-Regia Fr. Jonathan Debattista rreleva ftit statistika ta’ nteress. Il-Leġjun llum hu mifrux fi 48 parroċċa f’Malta u fi prattikament fil-parroċċi kollha fil-Gżira Għawdxija. It- 850 membru jagħmlu l-ħidma appostolika ta’ talb, tqarbin u wens fil-familji, djar tal-anzjani, appostolat tal-baħar u sptarijiet, fost ħidma oħra, fiż-żewġ gżejjer.

L-attività ingħalqet b’quddiesa kkonċelebrata mid-Direttur Spiritwali tar-Regia u Fr Karm Gauci, Direttur Spiritwali tal-Comitium t’Għawdex, b’dawk li attendew mimlija kuraġġ li huma ġew imsejjħa jgħixu b’ kuraġġ u fedelta ILLUM.

Dr Miriam Sciberras - Assemblea Leġjun 2026.pptx

Download PPTX • 3.25MB

Papa Franġisku: Messaġġier tal-ħniena u l-maħfra ta’ Alla

Papa Franġisku se jibqa’ magħruf għal ħafna affarijiet u inizjattivi li għamel tul il-pontifikat tiegħu. Imma żgur li qabel kollox se nibqgħu niftakru fih bħala l-Papa li wriena kemm il-ħniena ta’ Alla hija kbira fostna l-bnedmin. Waħda mill-ewwel frażijiet tiegħu fuq dan is-suġġett hija li Alla jaħfer dejjem, u huwa aħna li għandna ngħejjew nitolbu l-maħfra. F’dinja mfarrka bil-mibegħda u l-ġlied, huwa messaġġ tant attwali u li d-dinja għandha bżonn.

Huwa l-Papa tal-periferiji, fejn kien jagħti attenzjoni lill-foqra u lill-emarġinati. Għax il-bniedem, sinjur jew fqir, fil-poter jew le, u anke meta ma jgħix b’konformità mal-Vanġelu, għandu d-dinjità inaljenabbli tiegħu. Tagħna eżempju b’hajtu, fejn għex bis-semplicità u mingħajr xinxilli. Għamel 47 żjara f’pajjizi diversi tul il-pontifikat, imma l-preferenza kienet lejn pajjizi fil-periferija, kemm eżistenzjali kif ukoll geografika. Tkellem bil-qawwa kontra l-ingustizzji soċjali u n-nuqqas ta’ ekwilibriju fl-ekonomiji tal-pajjizi diversi. Kien ħabib lill-foqra u lir-rifjuġjati – l-ewwel vjaġġ tiegħu kien lejn Lampedusa fejn laqqa numru kbir ta’ refugjati, u wieħed mill-aħħar vjaġġi kien lejn il-Mongolja, fejn il-Kattoliċi jiffurmaw 0.04% tal-popolazzjoni.

Huwa wkoll il-Papa tal-ambjent, li ħeġġeġ lil kulħadd, Kattoliċi u le, biex nibżgħu għal din id-dar komuni tagħna, sabiex ta' warajna jgawduha kif gawdejniha aħna. Wera li t-tibdil fil-klima l-ewwel li taffettwa huwa lill-popli iż-żgħar u ta’ bla riżorsi.

Franġisku – il-Papa tan-nies u tal-poplu. Fetaħ aktar il-Knisja u qarrabha lejn id-dinja. Kien iħobb jgħid li fil-Knisja hemm post għal kulħadd, għax il-Knisja, bħal fil-kamp tal-battalja, iddewwi l-ġrieħi tal-bniedem modern. U ried li l-Knisja ma tingħalaqx fis-sagristija imma toħroġ fit-toroq tad-dinja sabiex tiltaqa’ mal-bniedem tas-seklu 21.

Certament li nħossu n-nuqqas tal-figura kariżmatika tiegħu, u fuq kollox ta’ dan il-bniedem ta’ Alla. Imma nemmnu li issa jinsab jitlob u jgħin lill-Knisja minn ħdejn il-Mulej. Issa d-dmir tagħna li l-legat li ħallielna ma nħalluħx jintilef fix-xejn.

‘Europe Day’ fl-Irlanda

Nhar is-Sibt 9 ta’ Novembru 2024, l-Uffiċċjali tar-Regia aċċettaw stedina li saret mill-Concilium u attendew fl-Irlanda għal laqgħa msejħa  għall-uffiċjali mill Ewropa kollha. Aċċetaw l-istedina 110 leġjunarju li apparti minn Malta kien hemm minn Londra Ċentrali, West Minister Cathedral,  Skozja, Franza, naħa ta’ isfel ta’ Londra, u s-Senatus ta’ Liverpool. Tgħallimna dwar kemm il-Leġjun hu attiv fl-Ingilterra, l-Ewropa u saħansitra fid-dinja. Interessanti kien li kien hemm presenti wkoll ‘junior members’.  

F’ ‘The Monks of the West’ minn Sr Loirin sirna nafu kif il patrijiet gew f’Ewropa biex jevangelizzaw - illum il-leġjunarji qed jgħamlu l-istess. Il-ktieb “Walking with Mary” ta’ Frank Duff hija biċċa letteratura illuminanti ħafna. Sr Loirin semmiet li meta kienet Malta marret San Pawl il-Baħar fejn kien niżel San Pawl. Tkellmet wkoll dwar ir-rabta tal Maltin ma l-Irlandizi (u dan permezz tak- ‘Floriana Irish boys’, u ċċelebrazjoni tal festa ta’ San Patrizju. 

Sr. Miriam sostniet li aħna l-leġjunarji  qegħdin f’ taqbida u għalhekk hemm bzonn ta’ uffiċjali mpenjati. Is-sistema qegħda hemm. Issa jmiss li naħdmu għax il Madonna għandha bzonnha. Sr Miriam, fid-diskors tagħha, kkummentat dwar  ‘Lay Apostolate – Hope for the church’  u kif il-Leġjun antiċipa saħansitra l- Vatikan fir-rigward ta’ appostolat. 

F’Dublin ingħata bidu għall-projett li l-għan tiegħu hu li  jdaħħlu 300 persuna fil-Leġjun fl-okkazjoni tal-Ġublew biex jiżdiedu mal- 4 miljun leġjunarju mad-dinja kollha. 

Bro Augustine saħaq li l-karatteristika tax-xogħol leġjunarju huwa dak ix-xogħol partikulari  ta’ “soul to soul”.  Iż-żamma tal-ħbiberija  hija mezz biex insiru qaddisin. Il-leġjun joffrilek responsabilità. Mela nitolbu u nibqgħu għaddejin bil-ħidma tagħna. 

Sr Loirin spjegat dwar ‘video’, ‘A Call to Arms – Europe rediscover your root’. Dan hu  fuq il kuntatti fit-toroq, fejn tqassmu domni mirakulużi . Brother Ian saħaq li l- kuntatti fit triq saru aktar diffiċili mill -COVID-19 l-hawn. Sr Fabiola qalet li fir reklutagg hemm bżonn ta’ “eye to eye contact” waqt li Bro Robert tenna “Mary is calling you” u ngħaddu dan l-ispirtu lil dawk li niltaqgħu magħhom. Bro Siobhan saħaq biex nagħmel dak li l-Madonna tridni ngħamel u biex ngħidu lill-kuntatti l-isem tal praesidium tagħna, u l-ġurnata u ħin tal-laqgħa. Br Declan tkellem fuq il-motivazzjoni u d-disposizjoni tal membri għax xogħol. “Our Lady is crying out for you, go and preach the Gospel today.” Br Philip minn Brentwood qal li aħna ma tantx naraw risultati mmedjati  imma jkonna fiducja fid-donma mirakuluża. “God loves his mother through us”’ sostna. 

Il-Viċi President tar-Regia ta’ Malta, Bro Anthony Debono, tkellem dwar ‘The Legion in this day and time’ u kif  l-orjentazzjoni tal-media tinfluwenza ħafna nies. Il-poplu jgħid li m’għandux ħin għat talb matul il-gurnata. Id-demonju jgħamel il parti tiegħu biex aħna ma inkomplux fix-xogħol tagħna. Għandna ngħamlu uzu mit-teknologija moderna. 

Bro Tony minn Liverpool tkellem fuq ‘My Legion experience’ u kif il-Leġjun jilqa kull klassi ta’ nies u dan ifisser kull kwalità ta’ ħajja.

Sr Zara u Sr Dima, ‘juniors’ miċ-ċentru ta’ Londra tkellem dwar l-esperjenzi tagħhom fil Leġjun; kif għamlu ħbieb ġodda u żiedu fit-talb u xogħol leġjunarju. 

Fr Peyton kien online. Hu d-direttur spiritwali tal-praesidium ġewwa Birmingham. Għandna nevanġelizzaw bl-għajnuna ta’ Marija u nippruvaw nistiednu  nies biex jaħdmu fil-Leġjun. 

Wara ritratt tal-okkazjoni saret żjara lid-dar ta’ fejn kien joqgħod Frank Duff, il-qabar ta’ Frank Duff, ir- Regina Coeli u l-Morning Star. Dawn tal-aħħar huma postijiet għal-irgiel u nisa li m’għandhomx saqaf fuq rashom, li għandom problema ta’ alcohol, droga, jew nisa tqal. Dawn il-postijiet huma mmexxija b’mod mill-aktar professionali minn leġjunari voluntiera.